أكدت الفنانة المصرية منى فاروق أن والدها لم يمُت وهو «غضبان عليها»، وقالت: «الناس طلعت إن أبويا مات غضبان عليا وده محصلش، أبويا مات راضي عني وبيحبني ومكنش معترض على التمثيل، ولا كان حتى في مشاكل بينا، وأنا مسبتهوش وكانت روحي فيه».
وأضافت: «أنا كنت في ابتلاء كبير، واللي ربنا بيحبه بيبتليه، وقلت إن كان في جواز في الفترة دي، بس أنا أتعرضت لظلم كبير وجلد وناس جرّحت فيا وفي أهلي».
واختتمت منى فاروق كلامها قائلةً: «الناس حكموا عليا بالإعدام وأنا على وش الدنيا، وحسبي الله ونِعم الوكيل في كل إنسان ظلمني».