وجهت الفنانة المصرية ياسمين عبد العزيز رسالة لجمهورها بعد أزمتها الصحية، وكتبت: «جمهوري الغالي في مصر والوطن العربي وحشتوني جداً.. الحمد لله أنا بقيت كويسة وتعافيت الحمد لله عاوزاكم تتطمنوا».
وأضافت: «رغم كل الصعاب اللي مريت بيه في أزمتي الأخيرة إلا أن سؤالكم ودعمكم هو اللي كان بيهون عليا كل اللحظات المرة اللي عدت عليا.. وكفاية إني اقولكم إني حقيقي شفت الموت وكان قريب جداً.. لكن بفضل اللـه وبفضل دعواتكم الجميلة الصافية وبفضل وقوفكم جنبي بقلبكم وبحبكم وبنيتكم الطيبة ربنا استجاب لدعواتكم وربنا كرمني وعديت المحنة على خير الحمد لله».