سخرت الفنانة المصرية بشرى من التعليقات التي تم تداولها على مواقع التواصل الاجتماعي عن فرق السن بينها وبين زوجها خالد حميدة.
وقالت: «شفت تعليق موتني من الضحك قال الفرق 11 سنة بيني وبين عريسي، يعني جبتوا الفرق دا منين؟ أصلاً لا شكلاً باين ولا حتى موضوعاً حتى الواقع مش كده، تقريباً قد بعض حتى لو في فرق سنة ولا سنتين دا ولا حاجة، ما أنا زيجتي اللي فاتت كان في فرق سنة بيني وبين زوجي».
وعن تأثير فرق السن بين الزوجين، قالت: «مش بيفرق معايا، يعني إيه أصلاً؟، دي تفاصيل في منتهى السطحية وبتضحكني أوي، وأنا واخدة الدنيا بسخرية وبشوف الناس فيلم كرتون كبير، فبالنسبة لي لا أتوقف عند هذه التعليقات وكل واحد يخليه في حاله، وأنا بالنسبة لي العروسة للعريس والجري للمتاعيس».